Foto nga CFP

807 persona të dyshuar për mashtrime ndërkufitare të telekomit u kapën kohët e fundit, falë një goditjeje të përbashkët ndërkombëtare të policisë nga Kina dhe Mianmari, shkruan “China Daily”.

Në mesin e të dyshuarve, 352 janë shtetas kinezë, të cilët iu dorëzuan policisë kineze për hetime të mëtejshme, ndërsa pjesa tjetër do të trajtohet nga autoritetet e Mianmarit, sipas një deklarate të publikuar nga Ministria kineze e Sigurisë Publike e Kinës.

Goditja ishte një bashkëpunim i zbatimit të ligjit i bërë nga policia e të dy vendeve për herë të parë në zonën Muse të Mianmarit verior, thuhet në deklaratë.

Që nga fillimi i vitit të kaluar, në përgjigje të situatës së rëndë të mashtrimit të telekomit që synon Kinën në Mianmarin verior, ministria ka thelluar vazhdimisht bashkëpunimin ndërkombëtar me agjencitë e zbatimit të ligjit të Mianmarit, thuhet në deklaratën e Ministrisë së Sigurisë Publike të Kinës.

Deri më tani, janë kryer një sërë operacionesh të përbashkëta, me transferimin e rreth 48.000 të dyshuarve kinezë të përfshirë në mashtrim në Kinë. (Fatosi)