Foto nga people.com.cn

Muzeu i Gjeologjisë në Hunan njoftoi se studiuesit kinezë kanë zbuluar së fundmi një fosil të madh sfungjeri të ruajtur mirë që daton afërsisht 540 milionë vjet më parë, në qytetin Changde, në provincën Hunan të Kinës qendrore, citon “Xinhua”.

I përshkruar si një gjetje e rrallë nga epoka e hershme Kambriane, ky fosil sfungjeri ka një rëndësi të madhe shkencore, duke ofruar njohuri të paçmueshme në evolucionin e hershëm të kafshëve sfungjeri, tha Tong Guanghui, studiues i asociuar në muze.

Foto nga people.com.cn

Me përmasa 4 cm në lartësi dhe 3.5 cm në gjerësi në pikën e tij më të gjerë, fosili i sfungjerit shfaq një gjendje të jashtëzakonshme ruajtjeje, tha ai.

“Zbulimi tregon se oqeani në atë kohë kishte një nivel të lartë të produktivitetit primar, me organizma të bollshëm planktonikë të aftë për të mbështetur mbijetesën e sfungjerëve të mëdhenj”,- tha ai.

Si kafshët shumëqelizore më primitive, sfungjerët janë shfaqur në oqeanet e Tokës afërsisht 600 milionë vjet më parë. (Fatosi)