foto nga CFP
Një linjë e re ajrore që lidh Shenyang, kryeqendrën e provincës Liaoning të Kinës verilindore, me Frankfurtin në Gjermani, do të hapet më 25 prill, njoftoi “China Southern Airlines”.
Kjo do të jetë linja e parë e rregullt e fluturimit që lidh drejtpërdrejt Kinën verilindore dhe Gjermaninë, e operuar nga një kompani ajrore vendase, bën të ditur “Xinhua”. Fluturimet do të kryhen çdo të enjte, me shërbim të ofruar nga një avion “Airbus A350-900”.
Kohëzgjatja e fluturimit do të jetë rreth 11 orë, duke kursyer mbi pesë orë në krahasim me rrugët e tjera tranzit.
Gjermania është burimi kryesor i investimeve të huaja dhe një partner i rëndësishëm tregtar i provincës Liaoning.
Linja e re ajrore pritet të përmbushë plotësisht kërkesat në rritje për biznes, vizita familjare, studim dhe turizëm mes dy vendeve. (Irma)