Ministri kinez i Mbrojtjes, Dong Jun, u takua në Pekin me zëvendëskomandantin e përgjithshëm të Forcave të Armatosura Mbretërore Kamboxhiane dhe komandant i Ushtrisë Mbretërore Kamboxhiane, Mao Sophan. Palët u zotuan të promovojnë më tej bashkëpunimin ushtarak, njofton “Xinhua”.

Dong tha se miqësia Kinë-Kamboxhia ka vazhduar të lulëzojë me kalimin e kohës dhe ndërtimi i komunitetit Kinë-Kamboxhia me një të ardhme të përbashkët ka hyrë në një epokë të re të cilësisë së lartë, nivelit të lartë dhe standardit të lartë nën drejtimin strategjik të liderëve të të dy vendeve.

Duke theksuar rëndësinë e zbatimit të konsensusit për bashkëpunimin ushtarak të arritur nga krerët e dy vendeve, Dong tha se të dyja palët duhet të thellojnë komunikimin strategjik, të përdorin mekanizmat e bashkëpunimit dhe të rrisin cilësinë dhe efikasitetin e bashkëpunimit të tyre për të kontribuar në paqen rajonale.

Mao Sophan tha se Kamboxhia mbështet në mënyrë të palëkundur parimin e një Kine dhe është i gatshëm të punojë me Kinën për të rritur bashkëpunimin praktik dhe shkëmbimet midis dy ushtrive.  (Fatosi)