Ushtria izraelite tha të mërkurën se ka vrarë rreth 90 persona të armatosur dhe ka arrestuar 160 veta, gjatë një operacioni në spitalin Shifa në Rripin e Gazës.

foto: VCG

Al Shifa, spitali më i madh i Rripit të Gazës para luftës, tani është një nga komplekset e pakta të kujdesit shëndetësor që është pjesërisht funksional në veri të territorit, dhe gjithashtu strehë e civilëve të zhvendosur.

Ushtria izraelite tha në një deklaratë se trupat e saj “kanë eliminuar terroristët dhe kanë gjetur armë në zonën e spitalit, duke parandaluar dëmet mbi civilët, pacientët, ekipet dhe pajisjet mjekësore”.