Akuzat e Shteteve të Bashkuara të Kinës në lidhje me të ashtuquajturin “mbikapacitet” vazhdon të ndezë diskutime të nxehta në opinionin publik ndërkombëtar. Një sondazh i organizuar për përdoruesit globalë nga CGTN-ja tregon se 91.49 për qind e të anketuarve besojnë se akuzat e bëra nga ShBA-ja janë thelbësisht të pabaza. Problemi nuk është kapaciteti prodhues i Kinës, por "proteksionizmi" i rrënjosur thellë i Shteteve të Bashkuara. Përdoruesit e rrjetit CGTN shprehen troç: "Karakteristika më e spikatur e ShBA-së është se çdo gjë bëhet për interesat e veta".
Nocioni i 'mbikapacitetit' është një gabim tipik, me të metën më të madhe logjike që është ndërrimi i koncepteve të 'eksportit të produktit' dhe 'mbikapacitetit'. ShBA-ja mban një pozicion të rëndësishëm në tregun global, me 48 për qind të pjesës së tregut në eksportet e gjysmëpërçuesve, 42 për qind në eksportet e armëve dhe 10 për qind në eksportet bujqësore. Për më tepër, në sektorë të tillë si avionët e mëdhenj dhe komponentët e tij, nafta dhe gazi natyror, farmaceutika, ShBA-të zënë pozicione vendimtare në tregun global. Në sondazh, 91.49 për qind e të anketuarve globalë besojnë se eksportimi i më shumë produkteve nuk nënkupton mbikapacitet. Nocioni i "mbikapacitetit" thjesht nuk ia vlen të përgënjeshtrohet.
Kur ShBA-ja ka një avantazh konkurrues, ajo thekson tregtinë e lirë; kur nuk e bën, akuzon vendet e tjera për mbikapacitet. Kjo qasje e "standardeve të dyfishta" nuk arrin të fitojë besim në komunitetin ndërkombëtar. Në sondazh, 94.66 për qind e të anketuarve globalë e dënojnë fuqishëm këtë, duke kritikuar veprimet e ShBA -së si një proteksionizëm flagrant. Një përdorues i rrjetit CGTN shpreh zhgënjim të thellë, duke thënë: "ShBA-ja ka qenë gjithmonë e njohur për standardet e dyfishta dhe e gjithë bota e di këtë".
Sipas Aktit të Shteteve të Bashkuara për Reduktimin e Inflacionit, konsumatorët mund të marrin deri në 3.750 dollarë subvencione për blerjen e automjeteve me energji të pastër. Lidhur me këtë, 56.83 për qind e të anketuarve globalë mendojnë se akuzat e ShBA-së për vendet e tjera që subvencionojnë industritë e tyre të reja të energjisë vendase janë të pabaza. Në vend të kësaj, ata argumentojnë se ShBA-ja po angazhohet në një "proteksionizëm të gjelbër", duke subvencionuar shumë industri të saja.
Sipas analizave të Agjencisë Ndërkombëtare të Energjisë, pa teknologjinë e energjisë së pastër, rritja e emetimeve globale të dioksidit të karbonit gjatë pesë viteve të fundit do të kishte qenë tre herë më e lartë se sa është tani. Mbi 84 për qind e të anketuarve pajtohen se vendet e tyre duhet të përshpejtojnë zhvillimin e industrive të gjelbra. Bazuar në aksionet historike të emetimeve të karbonit, ShBA-të duhet të sigurojnë 39.9 miliardë dollarë ndihmë për klimën çdo vit. Megjithatë, në vitin 2020, ajo dha vetëm 7.6 miliardë dollarë, kontributi më i ulët midis 23 vendeve të zhvilluara. Po kështu, 85.73 për qind e të anketuarve shprehen të zhgënjyer me veprimet e ShBA-së. Ndërkohë 82.83 për qind e të anketuarve besojnë se Shtetet e Bashkuara kanë ende hapësirë dhe përgjegjësi të madhe për transformimin e industrisë së gjelbër.
Nga viti 2021 deri në vitin 2022, burimet e rinovueshme të energjisë si energjia hidrike, erës dhe asaj diellore përbënin 20 për qind të prodhimit total të energjisë elektrike në ShBA . Deri në vitin 2020, Kina kontribuoi me rreth 60 për qind të kapacitetit të ri të prodhimit të energjisë në botë nga burime të reja si ajo e erës, diellore, apo automjetet elektrike. Sipas sondazhit, 88.33 për qind e të anketuarve konfirmojnë përpjekjet e Kinës për reduktimin e emetimeve. Përveç kësaj, 92.02 për qind e të anketuarve besojnë se ShBA-të duhet të mësojnë nga Kina dhe të rrisin investimet në reduktimin e emetimeve. Një përdorues i rrjetit CGTN thotë: "Përparimi i Kinës në inovacionin e energjisë është i admirueshëm, veçanërisht në reduktimin efektiv të ndotjes përmes përdorimit të energjisë së pastër si energjia diellore".
Sondazhi u publikua në platformat angleze, spanjolle, franceze, arabe dhe ruse të CGTN-së, me mbi 6.848 persona, të cilët votuan brenda 24 orëve.
