Foto nga VCG

Kina ka publikuar një plan veprimi për të promovuar rinovimin në shkallë të gjerë të pajisjeve dhe tregtimin e mallrave të konsumit.

Plani i veprimit, i nxjerrë nga Këshilli i Shtetit, synon të sjellë në jetën e njerëzve mallra konsumi të qëndrueshme me cilësi të lartë, të zbusë zinxhirin e riciklimit të burimeve dhe të përmirësojë ndjeshëm cilësinë dhe nivelin e qarkullimit ekonomik, shkruan “Xinhua”.

Sipas planit të veprimit, shkalla e investimeve në pajisje, në fusha përfshirë industrinë, bujqësinë, ndërtimin, transportin, arsimin, kulturën, turizmin dhe kujdesin mjekësor, planifikohet të rritet me më shumë se 25 për qind deri në vitin 2027 krahasuar me vitin e kaluar.

Deri në vitin 2027, transaksionet e makinave të përdorura do të rriten me 45 për qind, ndërsa riciklimi i pajisjeve shtëpiake të përdorura do të rritet me 30 për qind krahasuar me vitin 2023, thuhet në plan.

Plani specifikon 20 detyra kryesore në pesë sektorë, duke përfshirë rinovimin e pajisjeve, tregtimin e mallrave të konsumit, riciklimin e mallrave të përdorura, nivelimin standard dhe përforcimin e politikave, së bashku me mbështetjen financiare. (Elona)