Foto nga VCG
Zhvillimi me cilësi të lartë është strategjia themelore për zgjidhjen e rreziqeve financiare, tha të hënën Li Yunze, kreu i Administratës Rregullatore Financiare Kombëtare të Kinës.
Duke folur në Korridorin e Ministrave, pas mbledhjes përmbyllëse të sesionit të dytë të Asamblesë së 14-të Kombëtare Popullore, të mbajtur në Pallatin e Madh të Popullit në Pekin, Li vuri në dukje se parandalimi dhe zgjidhja e rreziqeve financiare është një temë e përjetshme e sektorit financiar të Kinës. Ai shtoi se Kina është e sigurt dhe e aftë për të ruajtur sigurinë financiare të vendit.
Ekonomia reale është themeli i financave dhe financat janë jetike për ekonominë reale, tha Li, duke shtuar se Kina e optimizon vazhdimisht ofertën financiare, e cila luan një rol të rëndësishëm në rimëkëmbjen ekonomike.
Ai theksoi gjithashtu se cilësia e efikasiteti i shërbimeve ndaj ekonomisë reale vazhdon të përmirësohet dhe mbulimi me shërbime financiare po vazhdon të zgjerohet.