Foto nga VCG
Foto nga VCG
Një sipërmarrje e re e përbashkët e krijuar nga “Mercedes-Benz Group China Ltd.” dhe “BMW Brilliance Automotive Ltd.” është regjistruar në distriktin Chaoyang të Pekinit, kanë thënë burime nga autoritetet e qarkut, njofton “Xinhua”.
Në nëntor 2023, të dy kompanitë nënshkruan një marrëveshje bashkëpunimi për krijimin e një sipërmarrje të re të përbashkët, e cila sipas tyre do të ndihmonte në funksionimin e rrjetit të tyre të karikimit në tregun kinez.
Dy kompanitë do të shfrytëzojnë përvojën e tyre në operimin e objekteve të karikimit në nivel global dhe në Kinë, së bashku me të kuptuarit e tyre për industrinë e automjeteve me energji të re (NEV) për të ofruar zgjidhje karikimi për tregun kinez.
Deri në fund të vitit 2026, bashkëpunimi i ri synohet të ketë ngritur të paktën 1000 stacione të pajisura me teknologji të fundit në të gjithë Kinën, me rreth 7000 pika karikimi me fuqi të lartë.
Grupi i parë i stacioneve të tilla pritet të jetë funksional në disa qytete kineze gjatë këtij viti. (Fatosi)