CFP
Kina ka publikuar një masterplan për një zonë të re bashkëpunimi biznesi në Shangai, për të promovuar shkëmbimet ndërkombëtare të biznesit.
Sipas Administratës së Përgjithshme të Doganave (GAC), Zona e Bashkëpunimit Ndërkombëtar të Biznesit në “Shanghai Eastern Hub”, një zonë prej 880.000 metrash katrorë pranë Aeroportit Ndërkombëtar Pudong, lejon vizitorët e huaj me ftesë që hyjnë nga aeroporti të qëndrojnë brenda 30 ditëve pas mbërritjes, pa verifikimin e vizave, shkruan “Xinhua”.
Përveç kësaj, sendet e tyre personale do të kenë akses në një kontroll të përshpejtuar sigurie.
Masat e favorshme që ofrojnë komoditet për takimet dhe negociatat e biznesit synojnë të plotësojnë më mirë nevojat e aktiviteteve afatshkurtra të biznesit ndërkombëtar.
Ndërtimi i zonës pilot të zonës së re pritet të përfundojë në vitin 2025 dhe e gjithë zona pritet të nisë funksionimin nën menaxhim të mbyllur në vitin 2028 dhe synohet të krijohet plotësisht deri në vitin 2030.
CFP
Sun Yuning, nënkryetari i GAC, tha në një konferencë shtypi se zona e re do të përmirësojë zonën pilot të tregtisë së lirë të Shangait, do të ndihmojë qytetin të luajë më mirë rolin e tij pionier në reforma dhe hapje, si dhe në inovacion, dhe do të promovojë strategjinë e hapjes së vendit.
Në Shangai ndodhen mbi 75.000 ndërmarrjeve të financuara nga jashtë, me 956 seli dhe 561 qendra kërkimi dhe zhvillimi. (Irma)