Chen Min, zëvendësministri i Burimeve Ujore, duke folur në një konferencë shtypi në Pekin, Kinë, 1 mars 2024. / CFP 

Në Kinë janë arritur përparime të rëndësishme në mëkëmbjen pas përmbytjeve gjatë gjithë vitit 2023, duke u rregulluar me sukses gjithsej 4 588 vende të dëmtuara deri tani, u shpreh Chen Min, zëvendësministri i Burimeve Ujore të premten. 

Një gjë e tillë dëshmon angazhimin e vendit për rimëkëmbjen e shpejtë pas fatkeqësive dhe përmirësimin e qëndrueshmërisë së infrastrukturës përpara ngjarjeve të motit ekstrem.

Nga fundi i korrikut deri në fillim të gushtit 2023, disa zona në Kinën Veriore, duke përfshirë Pekinin dhe provincën fqinje të tij Hebei dhe bashkinë e Tianjin-it, përjetuan shi të rrallë dhe përmbytje pasi tajfuni "Doksuri" u zhvendos drejt pjesës së brendshme, duke shkaktuar viktima dhe dëme, tha ai. 

Lumi Haihe në Tianjin / foto nga CFP

Rindërtimi pas katastrofës u krye me një ritëm të përshpejtuar, me një përqendrim në rregullimin e infrastrukturës së dëmtuar, të tillë si transporti dhe komunikacioni, si dhe restaurimin e tokës bujqësore dhe strukturave bujqësore, për të siguruar rifillimin gradual të jetës normale nga banorët, shtoi zyrtari. 

Pas përmbytjeve, rajoni Pekin-Tianjin-Hebei kreu dezinfektimin dhe punën epidemike pas katastrofës. Kryeqyteti përpiloi një plan rindërtimi pas katastrofës, që synon të arrijë rimëkëmbjen bazë brenda një viti dhe rimëkëmbjen e plotë në rreth tre vjet.

Deri tani, autoritetet kineze kanë caktuar 29.3 miliardë juanë (rreth 4.07 miliardë dollarë amerikanë) si pjesë e përkrahjes së qeverisë për ndihmën në rast fatkeqësie, me 1 488 projekte të administrimit të ujit me bono qeveritare të zbatuara, tha Chen.

Prodhimi i rregullt bujqësor pas përmbytjeve në nëntor 2023 në qytetin Zhuozhou, që u prek rëndë nga përmbytjet / foto nga CFP