foto nga CMG
Provinca Zhejiang, ndër krahinat më të zhvilluara të Kinës Lindore, është shumë aktive në tregtimin e energjisë së gjelbër. Pajisjet masive fotovoltaike mbi ndërtesat vendore i kanë shndërruar çatitë në centrale të prodhimit të energjisë.
Shang Jiayi, drejtori i Drejtorisë së Planifikimit të Zhvillimit të Kompanisë së Furnizimit të Energjisë Elektrike të Zhejiang-ut:
Çatitë me sipërfaqe të mëdha janë bërë një burim i çmuar, që energjia e prodhuar në pjesën e sipërme të përdoret atypëraty në pjesën e poshtme të ndërtesës. Kështu, prodhuesit ulin koston, ndërsa përdoruesit gëzojnë energji të lirë.
foto nga CMG
Li Wenxing, menaxheri i Departamentit Teknik të Kompanisë së Ndërtimit e Funksionimit të Qendrës së Madhe të Ekspozitave të Hangzhou-t:
Ndërmjet kësaj çatie prodhohet energji elektrike në sasi prej mbi 700 mijë kilovatë në vit, që mund të plotësojë kërkesën për ndriçim në katet nëntokësore dhe në zyrat e kësaj qendre dhe është baras me mbjelljen e mbi 30 mijë pemëve pranë kësaj qendre.
foto nga CMG
Duke shfrytëzuar vijën bregdetare më të gjatë në Kinë, provinca Zhejiang ka shpejtuar ndërtimin e centraleve të erës detare gjatë disa vjetëve të kaluar.
Tian Suke, inxhinier i centraleve të erës detare:
Kur fletët e turbinës me kapacitet prej 10 megavatësh bëjnë një rrotullim, sipërfaqja që përfshijnë është sa pesë fusha futbolli dhe mund të prodhojnë energji për përdorimin nga një familje e thjeshtë për 5 deri 6 ditë.
foto nga CMG
Zhvillimi i energjisë së gjelbër në provincën Zhejiang është pasqyrimi i revolucionit të energjisë që është në zbatim e sipër në Kinë. Sipas të dhënave të Administratës Kombëtare të Energjisë të Kinës, deri në fund të vitit të kaluar, kapaciteti i përgjithshëm i energjisë së përtëritshme të instaluar arriti në 1.45 miliardë kilovatë, shifër kjo që e kalon 50 për qind të kapacitetit të përgjithshëm të energjisë së instaluar në mbarë vendin, duke e kapërcyer atë të termocentraleve dhe duke u bërë burimi më i madh i energjisë elektrike në Kinë. Ndërkohë, gjatë vitit 2023 kapaciteti i energjisë së përtëritshme të instaluar globale ishte 510 milionë kilovatë, dhe Kina kontriboi për gjysmën e saj.
Georg Zanger, avokat i famshëm dhe kryetar i Shoqatës së Biznesit Austri-Kinë:
Sipas studimit të fundit të Shërbimit të Kërkimeve të Parlamentit Evropian (ERPRS), Kina është më e përparuar se BE-ja në teknologjinë e energjive diellore e të erës, të baterive së litiumit, të pompave të ngrohjes dhe të kapjes së karbonit.
Enriko Ceko, drejtori ekzekutiv i Qendrës së Zhvillimit të Vazhdueshëm të Shqipërisë:
Duket se Kina ofron një model ku do të zhvillohen lloje të reja të industrive, paralelisht me përshkallëzimin e investimeve dhe rritjen e produktivitetit në sektorët tradicionalë. Në fillim të shkurtit, lidershipi kinez paraqiti idenë për zhvillimin e forcave të reja prodhuese, që mbështeten në inovacion, për të realizuar një zhvillim me cilësi më të lartë.
foto nga CMG
Produktiviteti i ri cilësor është një formë e forcave prodhuese të përparuara, që drejtohet nga novacioni, shkëputet nga mënyrat tradicionale të rritjes ekonomike e të zhvillimit, karakterizohet nga teknologjia e lartë, efektiviteti i lartë dhe cilësia e lartë e përputhet me konceptin e ri të zhvillimit.
Wei Qijia, drejtori i Institutit të Kërkimeve Ekonomike Industriale pranë Qendrës së Kërkimeve të Zhvillimit të Këshillit të Shtetit të Kinës:
Zhvillimi në energjinë e re, materialet e reja dhe prodhimin e pajisjeve të nivelit të lartë do të krijojë kushte të mira për nxitjen e produktivitetit të ri cilësor dhe zhvillimi i qëndrueshëm i këtij të fundit do të sigurojë dinamikën e fortë për zhvillimin cilësor të ekonomisë kineze.
Fabio Massimo Parenti, bashkëpunëtor i vjetër i Laboratorit të BRICS-sit pranë Institutit të Kërkimeve Ekonomike dhe Shoqërore të Romës:
foto nga CMG
Janusz Piechociński, ish-zv.kryeministri i Polonisë:
Është e admirueshme se si Kina po shndërrohet në një fuqi në teknologjinë e re dhe ka pasur suksese të mëdha në fusha si fluturimet ajrore e hapësinore, teknologjia e informacionit dhe modernizimi.
foto nga CMG
Në etapën e re të zhvillimit, nxitja e produktivitetit të ri cilësor është alternativa e domosdoshme e Kinës. Deri në fund të vitit 2023, Kina zotëronte 4 milionë e 15 mijë patenta shpikjesh, 22.4 për qind më shumë se në vitin 2022, duke u bërë i pari vend në botë me mbi 4 milionë patenta të efektshme dhe duke zënë vendin e 12-të për treguesin e novacionit të Organizatës Botërore të të Drejtave të Pronësisë Intelektuale.
Fabio Massimo Parenti, bashkëpunëtor i vjetër i Laboratorit të BRICS-sit pranë Institutit të Kërkimeve Ekonomike dhe Shoqërore të Romës:
Kina po hyn në etapën e re të zhvillimit dhe ajo ka më shumë grupime të novacionit teknologjik që përfshihen ndër 100 të parat në botë.
Enriko Ceko, drejtori ekzekutiv i Qendrës së Zhvillimit të Vazhdueshëm të Shqipërisë:
Vendosja e rritjes ekonomike në një rrugë të përbashkët me përshpejtimin e inovacionit, si një simbiozë e paevitueshme ... dhe të tëra këto shikohen nga ana e qeverisë kineze edhe si një mbështetje për ekonominë botërore në tërësi, si dhe për ekonomitë e vendeve të varfra dhe në zhvillim në veçanti.