Foto nga VCG
Shoqata Kineze e Mbrojtjes së Natyrës ka shkruar marrëveshje me Akuariumin e Kopshtit Zoologjik të Madridit të Spanjës dhe Aleancën e Natyrës të Kopshtit Zoologjik të San-Diegos të Shteteve të Bashkuara lidhur me bashkëpunimin mbi ruajtjen e pandave gjigante, si pjesë e përpjekjeve për të shtuar mbrojtjen e specieve në nivel botëror.
Shoqata po zhvillon gjithashtu konsultime me një kopsht tjetër zoologjik në ShBA dhe një kopsht zoologjik austriak lidhur me një bashkëpunim të tillë.
Spanja, Shtetet e Bashkuara dhe Austria ishin ndërmjet vendeve të para që zhvilluan bashkëpunim ndërkombëtar me Kinën lidhur me ruajtjen e pandave gjigante. Falë përpjekjeve të përbashkëta të ekipeve të tyre kërkimore, Kina dhe këto tre vende kanë arritur të rritin gjithsej 28 këlyshë pandash gjigante.
Foto nga VCG
"Garantimi i shëndetit dhe sigurisë të pandave që jetojnë jashtë vendit është parakushti më i rëndësishëm dhe themeli i bashkëpunimit ndërkombëtar," theksoi një burim nga kjo shoqatë.
Shoqata tha se do të forcojë më tej mbikëqyrjen e përditshme të shëndetit dhe kontrollin fizik të pandave që jetojnë jashtë vendit dhe do të sigurojë mbulimin e plotë të inspektimeve dhe vlerësimeve në terren në vitin 2024.
Foto nga VCG
Pandat gjigante kanë luajtur rolin e "ambasadorëve", duke ndërtuar ura miqësie ndërmjet Kinës dhe vendeve të tjera. Që prej viteve '90 të shekullit të kaluar, Kina ka zbatuar nisma të përbashkëta studimore për mbrojtjen e pandave me 26 institucione prej 20 vendeve, duke mundësuar lindjen e 68 foshnjave të pandave.
