Foto nga Xinhua
Presidenti kinez Xi Jinping i ka bërë thirrje Shoqatës së Dijetarëve të Kthyer Perëndimor (Western Returned Scholars Association) që të grumbullojë talente nga e gjithë bota dhe të bashkojë forcat e krijimtarisë për zhvillimin e kauzës së Partisë dhe të vendit.
Xi, gjithashtu Sekretar i Përgjithshëm i Komitetit Qendror të Partisë Komuniste të Kinës (PKK) dhe kryetar i Komisionit Qendror Ushtarak, i bëri komentet në një letër urimi drejtuar shoqatës, e cila feston 110-vjetorin e themelimit.
Në letrën e tij, Xi, në emër të Komitetit Qendror të PKK-së, shprehu urime të ngrohta për shoqatën dhe përshëndeti sinqerisht studentët, studiuesit dhe punëtorët kinezë jashtë vendit që ofrojnë shërbime për personelin përkatës.
Xi shprehu vlerësimin për kontributin e shoqatës në bashkimin e studentëve kinezë jashtë vendit, duke i bërë thirrje asaj që të vazhdojë të luajë rolin si një ekip talentesh në shërbim të vendit, një grup mendimi idesh e propozimesh të mira dhe një forcë jetike për dialogun ndërpersonal njerëzor dhe diplomatik.
Ai shprehu gjithashtu shpresën se studentët dhe studiuesit kinezë jashtë vendit do ta çojnë përpara traditën e tyre patriotike, do t'i shërbejnë popullit, do të qëndrojnë të sigurt, do të jenë mendjehapur dhe gjithëpërfshirës për të promovuar shkëmbimet dhe mësimin e ndërsjellë midis Kinës dhe vendeve të tjera.
Mbledhja për të festuar 110-vjetorin e themelimit të shoqatës u mbajt në Pekin të shtunën. (Çang Çuo)