Foto nga VCG

Kina do të formulojë politika dhe masa për të promovuar transformimin gjithëpërfshirës të gjelbër të zhvillimit ekonomik dhe social. Kreu i Komisionit Kombëtar të Zhvillimit dhe Reformës, Zheng Shanjie, tha të martën se vendi do të zbatojë strategjinë gjithëpërfshirëse të ruajtjes, do të përshpejtojë tranzicionin drejt ruajtjes së energjisë dhe reduktimit të karbonit në sektorët kyç, do të ndërtojë një sistem riciklimi të mbetjeve dhe do të promovojë zhvillimin e gjelbër, citon “Xinhua”.

Komisioni do të përmbushë përgjegjësinë e koordinimit dhe do të ndihmojë vendin për të arritur objektivat e dyfishtë të karbonit, ndërkohë që promovon kalimin gradual nga kontrolli mbi sasinë totale dhe intensitetin e konsumit të energjisë në kontrollin mbi sasinë totale dhe intensitetin e emetimeve të karbonit. Ai gjithashtu do të përshpejtojë planifikimin dhe zhvillimin e një sistemi të ri energjetik, do të vazhdojë të përmirësojë politikat për zhvillimin ekonomik të gjelbër dhe me karbon të ulët dhe do të përmirësojë sistemin për shpërndarjen e burimeve dhe elementeve mjedisore bazuar në treg.

Inovacioni në teknologjitë e gjelbra dhe me karbon të ulët do të përshpejtohet gjithashtu dhe do të mbështetet demonstrimi dhe aplikimi i teknologjive të avancuara dhe të aplikueshme. (Elona)