Foto nga CFP

Kapaciteti i instaluar i energjisë së erës detare të Kinës u rendit i pari në botë për dy vjet radhazi dhe ky sektor pritet të luajë një rol të rëndësishëm në arritjen e objektivit kombëtar të asnjanësimit të karbonit deri në vitin 2060.

Kina është përfshirë vonë në fushën e energjisë së erës detare. Në vitin 2012, i gjithë vendi kishte një kapacitet vetëm rreth 390 000 kilovatë, ndërsa pas një dekade zhvillimi, shifra ka arritur në mbi 30 milionë kW, duke përbërë rreth gjysmën e vëllimit të përgjithshëm global. Kjo do të thotë se Kina ka një kapacitet më të madh se të gjitha vendet e tjera të marra së bashku.

Një shembull klasik i arritjes së Kinës në këtë fushë është vënia në përdorim e turbinës së erës detare më të madhe në botë prej 16 megavatësh në korrik.

Prodhimi mesatar vjetor i turbinës është më shumë se 66 milionë kilovatorë, të mjaftueshme për të siguruar energji për 36 000 familje me tre anëtarë për një vit.

Kina ka planifikuar tashmë ndërtimin e një grupi centralesh energjetike me kapacitet prej 10 milionë kW në zonën detare të provincës Shandong, gadishulli të Jancesë dhe zona të tjera, me qëllim të prodhojë më shumë energji të pastër për të realizuar objektivin e asnjanësimit të karbonit.