Kina ndryshon tarifat e import-eksporteve

Nga 1 janari i vitit të ardhshëm, Kina do të ndryshojë tarifat për import-eksportet. Kështu mbi 780 produkte do të zhdoganohen me tarifa më të ulta se ato ekzistuese.

Sipas një njoftimi të publikuar nga Ministria e Financave, tarifat doganore, të cilat do të zbatohen në vitin 2013, do të ulen më tej.

Kategoritë që përfitojnë janë pajisjet mjekësore apo artikujt ushqimorë, duke përfshirë qumështin pluhur dhe salcat. Kështu qumështi pluhur, i cili përdoret për ushqimin e fëmijëve, do të ketë tarifën doganore më të ulët prej 5%, që është 15% më pak se më parë. Analistët ndërkohë thonë se ulja e tarifave për aparatet mjekësore është një lajm i mirë për spitalet të cilëve u nevojiten pajisjet për trajtimin për sëmundje të rralla.

Drejtori i Institutit të Kërkimeve Ekonomike pranë Komitetit të Reformës dhe të Zhvillimit, Zhang Jianping tha se çështja e importeve mbetet pikë kyçe e reformës së sistemit. Me rritjen e kërkesës për produkte dhe pajisje, lëndët e para në vend janë të pamjaftueshme. Duke i hedhur një vështrim mallrave për të cilat qeveria kineze ka ulur tarifat, kupton se Pekini po i kushton rëndësi rritjes së kërkesës së brendshme, nxitjes së tregtisë së jashtme dhe zhvillimit të balancuar".

Analistët pohojnë se kjo ndikon te rritja e konsumit, por shprehen se shtimi i importeve do të ndikojë te kompanitë vendore.

Disa analistë të tjerë theksojnë se këto politika do të jenë në favor të ndryshimit të strukturës së ekonomisë së Kinës. (Vera/ Ardi Pulaj)