Dështon referendumi për presidentin e Rumanisë
Më 30 korrik funksionari i Komisionit Zgjedhor të Rumanisë shpalli se vetëm 46% e shtetasve rumunë kanë marrë pjesë në referendumin e zhvilluar më 29 korrik për shkarkimin e presidentit, duke mos kaluar pragun 50%. Si rrjedhojë ai shpallet i pavlefshëm.Basesku do të vijojë funksionin e tij. Analistët vunë në dukje se megjithëse shkarkimi u parandalua, për të fituar zgjedhjet parlamentare që do të mbahen në fund të vitit, dy subjektet kryesore, Partia Demokratike në anë të presidentit dhe Bashkimi Social Liberal me Viktor Pontan në krye, nuk do të ndalin "betejën" midis tyre.
Bashkimi Social Liberal që është në pushtet nisi procesin e shkarkimit të presidentit, për shkak se veprimi i Baseskut në shpalljen e pakësimit të shpenzimeve financiare në vitin 2010 nuk ishte i përshtatshëm. Për të dalë nga gjendja e vështirë ekonomike, dhe fituar ndihmën e FMN-së dhe të BE-së prej 5 miliardë EURO, Basesku shpalli pakësimin në përmasa të mëdha të shpenzimeve financiare të qeverisë. Veprimi i tij shkaktoi pakënaqësi të madhe të Bashkimit Social Liberal me kryeministrin Victor Ponta në krye. Por vendimet e Baseskut u mbështetën nga BE dhe FMN, që deklaruan se kjo do të ndihojë drejtpërdrejt planin e ndihmës për Rumaninë.
Nëndrejtori i Studimeve Ndërkombëtare të Kinës, Guo Xia
ngang është i mendimit se akuza e Bashkimit Social Liberal është vetëm një pretekst, pas në realitet shkak është shkallëzimi i pandërprerë i retorikës së ashpër midis Bashkimit Social Liberal dhe Partisë Liberale Demokratike.
Gjatë këtij viti, në arenën politike të Rumanisë lufta midis dy fraksioneve politike nuk është ndërprerë. Kjo dëmton seriozisht ekonominë e brendshme. Analistët janë të mendimit se sivjet qeveria rumune ka ndryshuar 3 herë. Edhe politikat ekonomike kanë ndryshuar rrënjësisht dhe kjo ka dëmtuar zhvillimin e ekonomisë. Për të fituar më shumë vota, subjektet e ndryshme i kushtojnë vëmendje premtimeve të dhëna ndaj votuesit dhe realizimit të planeve afatshkurtra, por nuk dëshirojnë të zhvillojnë me largpamësi reformën e strukturës që ka mundësi të hasë në zigzage të përkohshme. Sipas analistëve, kjo nuk është në favor të zhvillimit të vazhdueshëm dhe të shëndoshë të ekonomisë së Rumanisë.
