Rritja e shpejtë
"Vendimi i Samsung-ut për të investuar në Xi'an do të përbëjë një nxitës të shkëlqyer për ekonominë e Shaanxi-së," thotë Zhao Zhengyong, guvernatori i provincës.
Së pari do ta ndihmojë Shaanxi-në të transformojë strukturën e saj industriale, shtoi ai
Projekti i Samsung-ut pritet të tërheqë investime në Xi'an nga afro 200 kompani dhe të çojë në krijimin e mbi 10 mijë vendeve të punës.
Qeveria e provincës Shaanxi ka vendosur objektivin e saj për rritjen ekonomike këtë me 13 për qind, nga 12 për qind që ishte vitin e kaluar.
Kjo rritje e tejkalon objektivin e rritjes ekonomike të vendit prej 7.5 përqindësh, e shpallur në fillim të vitin nga kryeministri Wen Jiabao.
Chongqing, nga ana e tij, po synon për një rritje prej 13.5 për qindësh dhe Chengdu, në provincën Sichuan pritet të ketë një rritje prej 12 për qind.
Vitin e kaluar, ekonomia e Chongqing-ut u rrit me afro 16.4 për qind, me ritme më të shpejta se ekonomia vendëse, që u rrit me 9.2 për qind. Chongqing ka si qëllim që këtë vit të tërheqë afro 11 miliardë dollarë investime të huaja direkte.
Ndëkohë, me rritjen e kostove të punës në Kinë gjatë viteve të fundit, disa kompani të huaja si Nike etj., i kanë lëvizur fabrikat e tyre nga Kina në vendet e tjera si Vietnami, ku kostoja e fuqisë punëtore është më e ulët.
Por shumë ekspertë dhe zyrtarë të qeverisë besojnë se transferime të tilla nuk do të bëhen të zakonshme në të ardhmen, duke theksuar se ekonomia e Kinës ka ende shumë vrull. Ata shtuan gjithashtu se kompanitë që po tranfsferojnë fabrikat e tyre në vende të tjera kanë kërkesë të lartë për forcë punëtore.