(......2 Zhang Peidong)
"Punët tona aktuale përfshijnë krijimin e shembujve të biznesit elektronik, si qytete, baza dhe ndërmarrje shembullore."
Tani në Kinë biznesi elektronik ndodhet përpara disa problemeve të dukshme, pasi ai nuk gërshëtohet ngushtë me tregtinë tradicionale, nuk pati mënyrën e pjekur të zhvillimit tregtar, nuk gjen ligje e rregullore përkatëse, nuk ka shërbime publike dhe kontrollin e duhur, sistemi i besueshmërisë duhet të forcohet si dhe është e vështirë të trajtohen mosmarrëveshjet në tregtinë në internet. Të gjitha këto ndikojnë në një farë mënyre në besimin e njerëzve për zhvillimin e biznesit elektronik.
Mënyra dhe siguria e pagimit ka qenë problemi kyç në transaksionet e biznesit elektronik. Për ta zgjidhur këtë problem, që nga ky vit, Banka Popullore e Kinës, filloi të lëshojë licencën e pagimit përmes një pale të tretë, që të kufizojë dhe të normalizojë platformat shërbyese për mënyrën e pagesës në internet. Kompania Huifutianxia merret me pagimin përmes palës së tretë. CEO i kompanisë Zhou Ye është i mendimit se lëshimi i kësaj licence është si një gurthemel për kompaninë e tij dhe kompanitë e tilla do të presin një periudhë të artë për zhvillim.