Komisioni i Bashkimit Europian u bëri thirrje vendeve anëtare të rrisin moshën e daljes së pension sipas rasteve, për të përballuar tendencën në rritje të plakjes së shoqërisë, borxhet qeveritare dhe vështirësitë ekonomike të vendeve europiane.

Udhëzimet e komisionit erdhën pas publikimit të një dokumenti që flet për moshën e daljes në pension. Komisioni sugjeron lidhjen e saj me jetëgjatësinë mesatare të popullsisë. Gjithashtu sugjerohet kufizimi i pensionit të parakohshëm si edhe heqja e diferencave midis burrave dhe grave për moshën e daljes në pension.

Dokumenti propozon një sërë reformash duke shpresuar nxitjen e reformës së pensionit në vendet anëtarëve.

Popullsia e Bashkimit Europian është afërsisht 500 milionë banorë, ku 120 milionë janë pensionistë, pra 25% e popullsisë.

Nga viti 2013 do të ulet numri i njerëzve të aftë për punë dhe si rrjedhojë do të rriten shpenzimet qeveritare për asistencën dhe pensionet. Ndërkohë qeveritë e vendeve anëtare do të përballen me shumë vështirësi nga rritja e presionit për kryerjen e reformave të pensioneve. (U Sen/Leftion Peristeri)

 

Rubrika<<<
Kur duhet të dalim në pension?