Hu Jintao vizitoi Rusinë me ftesë të presidentit të Rusisë, Dmitri Medvedev, për të marrë pjesë në veprimtaritë kremtuese me rastin e 65 vjetorit të fitores së Luftës së Madhe Patriotike. Gjatë takimit me Putin, Hu Jintao tha se Kina dhe Rusia dhanë kontribute të rëndësishme historike për fitoren e Luftës Antifashiste Botërore. Pala kineze është e gatshme të përpiqet së bashku me palën ruse të organizojnë një sërë veprimtarish, për të kremtuar 65-vjetorin e fitores së Luftës Antifashiste Botërore. Gjithashtu, Hu Jintao vlerësoi lart edhe zhvillimin e marrëdhënieve kino-ruse.
Nga ana e tij, Putin përshëndeti ngrohtësisht ardhjen e kryetarit Hu Jintao me këtë rast dhe tha se kjo vizitë mishëron nivelin e lartë të partneritetit strategjik midis dy vendeve. Putin tha se Rusia dhe Kina luftuan krahpërkrah gjatë Luftës së Dytë Botërore dhe dhanë kontribute të mëdha në fitoren ndaj nazizmit në Gjermani dhe imperializmit në Japoni. (Wang Lei)
Lajme përkatëse
Hu Jintao dhe Medvedev zhvilluan takim në Moskë
Hu Jintao: Miqësia kino-ruse lidhet me gjakun e derdhur dhe të rënët e dy popujve
