Foto nga VCG

Provinca Shaanxi e Kinës veriperëndimore ngriti të martën nivelin e reagimit ndaj fatkeqësive natyrore nga niveli IV në të parin, më i larti në sistemin e përgjigjes emergjente me katër nivele të vendit, pasi fatkeqësitë e shkaktuara nga shiu morën jetën e të paktën 20 personave, shkruan “Xinhua”.

Komisioni provincial për Parandalimin, Zbutjen dhe Ndihmën ndaj Fatkeqësive aktivizoi reagimin e nivelit të lartë emergjent, në përputhje me planin provincial të emergjencës për ndihmë nga fatkeqësitë natyrore, për shkak të humbjeve të konsiderueshme dhe kërcënimit të vazhdueshëm nga përmbytjet e fundit.

Mëngjesin e të martës, observatori meteorologjik provincial e ngriti nivelin e alarmit për stuhi shiu në të verdhë, pasi parashikonte stuhi të dendura shiu në qytetet Yan'an, Tongchuan, Baoji, Xianyang dhe Hanzhong deri mëngjesin e të mërkurës.

Kina ka një sistem paralajmërimi të motit me katër nivele, të koduar me ngjyra, ku e kuqja përfaqëson paralajmërimin më të rëndë, e ndjekur nga portokallia, e verdha dhe bluja.

Që nga 15 korriku, përmbytjet e shkaktuara nga shiu kanë përfshirë shumë pjesë të Shaanxi. Deri tani, të paktën pesë persona kanë humbur jetën nga përmbytjet në qytetin Baoji, ndërsa 15 të tjerë pasi një urë autostrade u shemb në një lumë të përmbytur në qarkun Zhashui. (Irma)