Xinhua

Një organ i industrisë kineze i ka kërkuar Komisionit Evropian të ndryshojë gjetjet e tij të paligjshme në hetimin kundër subvencioneve për automjetet elektrike kineze me bateri (BEV), duke shprehur shpresën se mund të arrihet një zgjidhje e ekuilibruar për të shmangur dëmtimin për të dyja palët, njofton Xinhua.

CFP

"Masat e mbrojtjes tregtare do të dëmtojnë të gjitha palët e përfshira. Forca dhe rritja e BE-së dhe industrive kineze BEV qëndron në bashkëpunim, jo në konflikt," Shi Yonghong, nënkryetar i Dhomës së Tregtisë së Kinës për Importin dhe Eksportin e Makinerive dhe Produkteve Elektronike ( CCCME), tha në një konferencë për shtyp të premten në Bruksel.

CCCME përfaqëson 12 prodhues kinezë eksportues BEV, duke përfshirë tre prodhues të kampionuar të hetuar individualisht nga Komisioni. Më 4 korrik, Komisioni Evropian prezantoi tarifa shtesë të përkohshme deri në 37.6 për qind për prodhuesit kinezë BEV.  Shi tha se në vend që të zgjidhte prodhuesit eksportues me vëllimet më të mëdha të eksportit në BE, Komisioni zgjodhi tre prodhues kinezë BEV që së bashku përbëjnë 39 për qind të vëllimit total të eksportit kinez në BE dhe një mostër të BE-së, e cila përfaqëson vetëm 30 për qind në prodhim dhe 32 për qind në shitje.

Shi vuri në dukje se përcaktimi është "i paligjshëm", me përfaqësimin e ulët të mostrave në hetim që rrezikon objektivitetin e analizës.

CFP

"Kina dhe BE janë partnerë strategjikë gjithëpërfshirës me interesa të përbashkëta të gjera," tha Shi, duke i kërkuar Komisionit të marrë parasysh interesat e përgjithshme të BE-së dhe Kinës. (Fatosi)