Foto nga VCG
Kryeqyteti kinez, Pekini, raportoi vëllim rekord të tregtisë së jashtme prej 1.83 trilionë juanë (rreth 256.61 miliardë dollarë amerikanë) në gjysmën e parë të vitit, treguan të dhënat nga Zyra lokale e Doganave, citon “Xinhua”.
Foto nga VCG
Gjatë kësaj periudhe, vëllimi i importit dhe eksportit u rrit me 3.6 për qind në baza vjetore dhe përbënte 8.7 për qind të totalit të Kinës, sipas Doganave të Pekinit.
Në gjashtë muajt e parë të vitit, industritë në zhvillim u bënë kontribues të rëndësishëm në rritjen e eksporteve në Pekin, duke zënë 27.8 për qind të vëllimit total të eksporteve të qytetit.
Foto nga VCG
Midis këtyre industrive në zhvillim, sektorët e baterive litium-jon dhe telefonave celularë raportuan rritje përkatëse të eksportit prej 92.3 për qind dhe 57.8 për qind.
Nga janari deri në qershor, vlera totale e eksportit të produkteve të markave vendase të Pekinit arriti në 113.48 miliardë juanë, duke shënuar një normë rritjeje prej 17.9 për qind. (Irma)