Foto nga CFP
Kina ofron mbështetje të barabartë për ndërmarrjet vendase dhe të huaja për të marrë pjesë në rinovimin në shkallë të gjerë të pajisjeve dhe tregtimin e mallrave të konsumit, deklaroi zëvendësministri i Tregtisë, Ling Ji, citon “Xinhua”.
Vendi ka marrë vendimin strategjik për të promovuar një raund të ri rinovimi të pajisjeve në shkallë të gjerë dhe tregtimin e mallrave të konsumit, tha Ling në një takim mbi interpretimin e politikave përkatëse për ndërmarrjet me investime të huaja.
“Fushata do të zgjerojë në mënyrë efektive kërkesën e brendshme, do të stimulojë investimet, do të përmirësojë konsumin dhe do të ofrojë potencial të madh tregu për të gjitha llojet e ndërmarrjeve, përfshirë dhe ato të financuara nga jashtë”,- shtoi Ling.
Sipas Ministrisë së Tregtisë, Kina do të avancojë hapjen e nivelit të lartë, do të optimizojë mjedisin e saj të biznesit dhe do të ofrojë mbështetje të barabartë për ndërmarrjet vendase dhe të huaja në pjesëmarrjen në fushatë, si dhe në projektet e prokurimit dhe investimeve të qeverisë.
Ling tha se Kina shpreson që ndërmarrjet e huaja të shfrytëzojnë mundësitë, të hulumtojë më thellë në tregun kinez dhe të nxisin investimet e tyre në vend.
Përfaqësues të ndërmarrjeve të huaja, si “GE HealthCare”, “Philips” dhe “Siemens Healthineers” morën pjesë në takim dhe mbajtën fjalime, së bashku me delegatë nga dhomat e huaja të tregtisë në Kinë.
“Kina ka ndërtuar një sistem politikash për të promovuar rinovimin në shkallë të gjerë të pajisjeve dhe zëvendësimin e mallrave të vjetra të konsumit me të reja, si dhe qeveritë lokale kanë publikuar planet e tyre të veprimit”,- bëri të ditur Komisioni Kombëtar i Zhvillimit dhe Reformës. (Irma)