Plazh ne Shqiperi (Foto Insajderi)
Kryeministri Edi Rama, përmes një njoftimi në rrjetet sociale, bëri të ditur se rreth 4.5 milionë turistë të huaj vizituan Shqipërinë në 6 muajt e parë të vitit, një shifër 34% më e lartë krahasuar me të njëjtën periudhë të vitit të kaluar, shkruan “ATSH”.
Kryeministri Rama tha se vendi ka hyrë në pikun e flukseve turistike.
“4.5 milionë vizitorë të huaj erdhën në Shqipëri në gjashtë muajt e parë të këtij viti, ose +34% krahasuar me vitin e kaluar. Ndërkohë kemi hyrë në pikun e flukseve turistike, ku së bashku me operatorët privatë që çdo ditë prezantojnë ofertën shqiptare, por edhe me përgjegjësinë e jashtëzakonshme të ofrimit të cilësisë së shërbimit, si edhe me bashkitë e me gjithë institucionet publike jemi në koordinim për mbarëvajtjen e sezonit veror”,- theksoi kryeministri Rama.
Sipas tij, Shqipëria është e të gjithëve, pavarësisht qeverive që shkojnë e vijnë, dhe nga turistët që shkojnë në plazhe, në male, në qytete, fiton ekonomia e shqiptarëve. (Elona)