Bashkëpunimi doganor Kinë-Nepal pritet të thellohet pas përfundimit të shkëmbimit njëjavor të Doganave Kufitare të të dy vendeve, i organizuar në Lhasa, kryeqendra e Rajonit Autonom Xizang të Kinës jugperëndimore, shkruan “Xinhua”.

Foto:Xinhua

Një delegacion prej shtatë doganierësh nga Nepali, i kryesuar nga Ramesh Aryal, zëvendësdrejtor i përgjithshëm i Departamentit të Doganave të Ministrisë së Financave të Nepalit, filloi vizitën e tyre më 2 korrik.

Ngjarja ishte raundi i 33-të i këtyre vizitave të ndërsjella.

Në kuadër të nismës “Një brez, një rrugë” dhe deklaratës së përbashkët të të dy vendeve, të dyja palët do të promovojnë bashkëpunimin në optimizimin e mjedisit të biznesit në porte dhe forcimin e mbikëqyrjes mbi sigurinë ushqimore të importit dhe eksportit, ndër të tjera.

Aryal tha se Kina është një partner i rëndësishëm tregtar i Nepalit, me tregtinë e tyre dypalëshe që përbën 17 për qind të totalit të Nepalit. Në vitin 2023, tregtia e jashtme e Kinës me Nepalin arriti në 12.69 miliardë juanë (rreth 1.78 miliardë dollarë amerikanë), një rritje prej 15.6 për qind nga viti në vit. Midis tyre, vlera e tregtisë midis Xizang dhe Nepal ishte 2.77 miliardë juanë, që përfaqëson mbi një të pestën e totalit. (Elona)