Rafting ne Vjose (Foto Atsh)
Ministrja e Turizmit dhe Mjedisit, Mirela Kumbaro, ndau në rrjetet sociale foto të një grupi turistësh të huaj që sfiduan dallgët e Vjosës së egër, duke theksuar se brigjet e këtij lumi çdo ditë preken nga grupe vizitorësh që zbulojnë hiret e saj mes kulturës, sporteve në natyrë, traditës e historisë, shkruan “ATSH”.
Të pasionuar pas sporteve ekstreme dhe turistë të shumtë preferojnë lumin Vjosa për të përjetuar eksperiencën unike të rafting-ut.
Turistët e aventurës përshkojnë me gomone lumin nga Përmeti deri në Këlcyrë me një gjatësi gati 20 km.
Rrjedha është e qetë në disa vende dhe e tërthortë e me dallgë në vende të tjera me thellësi më të madhe.
Turizmi i aventurës gërshetohet shumë mirë në Përmet me traditën, kulinarinë e mikëpritjen. (Irma)