CFP
Kina do të formulojë më shumë se 50 standarde kombëtare e industriale për inteligjencën artificiale (AI) deri më 2026 dhe do të zhvillojë një sistem standard për të orientuar zhvillimin me cilësi të lartë të këtij sektori, sipas udhëzimeve të përbashkëta nga Ministria e Industrisë dhe e Teknologjisë së Informacionit dhe tre organe të tjera qeveritare.
Udhëzimet përcaktojnë shtatë fusha kyçe për zhvillimin e sistemit standard të AI-së në vend, duke përfshirë standardet për teknologjitë kyçe, produktet e shërbimet inteligjente dhe aplikimet e industrisë.
Në vitet e fundit, industria kineze e AI-së ka arritur përparim në risitë teknologjike, krijimin e produkteve, zbatimet industriale dhe fusha të tjera, duke marrë tipare të reja me zhvillimin e përshpejtuar të teknologjive të reja, si modelet e mëdha.
Kina ka tani më shumë se 4 500 kompani të AI-së dhe, sipas të dhënave zyrtare, industria e saj bazë e AI-së arriti një vëllim më shumë se 578 miliardë juanë (rreth 79.5 miliardë dollarë) në vitin 2023, 13.9 për qind më shumë se më 2022.