Foto nga CFP
Fitimet e firmave të mëdha industriale në Kinë u rritën me 3.4 për qind në baza vjetore në pesë muajt e parë të vitit.
Zyra Kombëtare e Statistikave (NBS) bëri të ditur se norma e rritjes u ngushtua nga rritja prej 4.3 për qind e regjistruar në katër muajt e parë të vitit, shkruan “Xinhua”.
Fitimet e kombinuara të firmave industriale me të ardhura kryesore vjetore të biznesit prej të paktën 20 milionë juanë (rreth 2.81 milionë dollarë amerikanë) arritën në 2.75 trilionë juanë gjatë periudhës janar-maj.
Ndër 41 kategoritë industriale të monitoruara nga Statistikat, 32 shënuan rritje fitimi.
Fitimet e sektorit të prodhimit të pajisjeve kanë vijuar të rriten me shpejtësi në periudhën janar-maj. Fitimet e kombinuara të sektorit u rritën me 11.5 për qind në baza vjetore.
Sipas Statistikave, rritja kontribuoi me 3.6 pikë përqindje në rritjen e përgjithshme të fitimeve industriale të vendit, duke e bërë sektorin e prodhimit të pajisjeve kontribuuesin më të madh. (Irma)