Foto nga CFP

Fusha e naftës Bohai ka përfunduar operacionet e shpimit të një pusi të ri 6088 metra të thellë, njoftoi dega e Korporatës Kombëtare të Naftës në Det të Hapur e Kinës (CNOOC) në Tianjin, shkruan “Xinhua”.

Pusi, Bohai 19-6-D1, do të përdoret për rikuperimin e naftës dhe gazit të fushës së gazit Bozhong 19-6, fusha e parë e gazit me rezerva të provuara prej mbi 100 miliardë metra kub gaz natyror në Detin Bohai.

Industria e shpimit të naftës në përgjithësi i klasifikon puset me thellësi mbi 6000 metra si puse super të thella. Këto puse shërbejnë si mjete thelbësore për nxjerrjen e naftës dhe gazit në det të thellë dhe për të eksploruar shtresat e thella të Tokës.

Kushtet komplekse gjeologjike, me një temperaturë formimi prej më shumë se 180 gradë celsius dhe një presion maksimal të pjesës së poshtme të pusit prej 56 megapaskalësh, kanë rritur nivelin e performancës së shpimit.

Përveç kësaj, ekuipazhi duhej të shponte nëpër dy male nëntokësore plot me fraktura.

Dy mega projekte, projekti përkatës i fazës së parë të fushës së gazit Bozhong 19-6 dhe fushës së naftës Bozhong 26-6, janë aktualisht në vijim në fushën e naftës Bohai. Pasi të përfundojnë, ato pritet të plotësojnë kërkesat bazë për energji të një qyteti me një popullsi prej 10 milionë banorësh për një vit të tërë. (Elona)