Ukraina nis negociatat për anëtarësim në BE
2024-06-27 11:32:03
Flamuri ukrainas
Ukraina filloi negociatat me Bashkimin Europian për t’u bashkuar me bllokun, një ambicie e rëndësishme e vendit.
“Negociatat do të jenë rigoroze dhe kërkuese”,- tha ministrja e Jashtme belge, në emër të BE-së.
“Me vendosmëri dhe përkushtim, ne kemi besim në aftësinë tuaj për ta çuar në një përfundim të suksesshëm”,- tha ajo, shkruan “ATSH”.
Përfaqësuesit nga BE-ja dhe Ukraina u takuan në Luksemburg për të hapur zyrtarisht bisedimet në një takim të ministrave të Jashtëm të BE-së.
Procesi nuk fillon për disa muaj dhe pritet të zgjasë vite, por hapja e bisedimeve është një shfaqje e rëndësishme e mbështetjes së BE-së.
Ukraina nuk është në gjendje të bashkohet me bllokun ndërsa është në konflikt me Rusinë. (Elona)
Lajmet Kryesore