Ministri i Jashtëm italian (Foto RTSH)
Shefi i diplomacisë italiane, Antonio Tajani, mendon se Bashkimi Europian duhet të ecë përpara me anëtarësimin e vendeve të Ballkanit në bllok.
“Ne duhet të vazhdojmë drejt anëtarësimit të plotë përpara vitit 2030 për vendet e Ballkanit Perëndimor dhe më pas duhet të punojmë me Ukrainën dhe Moldavinë”,- tha ai, duke nënvizuar se vendet e Ballkanit janë kandidatë prej shumë vitesh, citon “RTSH”.
Ministri i Jashtëm i Austrisë, Alexander Schallenberg, tha se është e rëndësishme që Bashkimi Europian të vazhdojë të mbajë vrullin për anëtarësimin e vendeve fqinje.
Këto komente u bënë pas një takimi të ministrave të Jashtëm të Bashkimit Europian me ministrat e Jashtëm të vendeve të Ballkanit Perëndimor, për rritjen e bashkëpunimit në fushën e sigurisë dhe politikës së jashtme. (Elona)