Emigrante (Foto Atsh)
Numri i emigrantëve që mbërritën në Britaninë e Madhe, pasi kaluan kanalin e La Manshit, ka shënuar një rekord të ri në gjashtë muajt e parë të vitit.
Të dhënat nga Ministria e Brendshme britanike bëjnë të ditur se 257 njerëz e bënë udhëtimin me katër varka të dielën, duke e çuar totalin e përkohshëm për vitin në 12.901.
Rekordi i mëparshëm për ardhjet në semestrin janar-qershor ishte 12.747 në vitin 2022. Në gjysmën e parë të 2023-shit mbërritjet ishin 11.433.
Totali i vitit 2024 deri më tani është 17% më i lartë se numri i mbërritjeve të regjistruara në të njëjtën periudhë të vitit të kaluar (11.058), një rritje me 8% krahasuar me të njëjtën periudhë të 2022-shit (11.975).
Vitin e kaluar gjithsej 29.437 emigrantë mbërritën në Britani, 36% më pak nga rekordi prej 45.774 në vitin 2022. (Irma)