Kancelari Scholz për emigracionin (Fatosi)

Kancelari gjerman, Olaf Scholz, ka njoftuar se vendi i tij do të marrë masa të mëtejshme për të frenuar migrimin e parregullt dhe do të shqyrtojë opsionet e mundshme për përpunimin e kërkesave për azil jashtë Bashkimit Evropian (BE), njofton ATSH. Duke folur në një konferencë për media në Berlin pas takimit me kryeministrat e shteteve federale të Gjermanisë, Scholz tha se do të shqyrtojnë raportet e ekspertëve në muajt e ardhshëm për të përcaktuar nëse është e mundur të përfundohen marrëveshjet e azilit me vendet e treta.

Scholz tha se marrëveshja Itali-Shqipëri nuk mund të jetë një model për Berlinin, pasi situata e Italisë ishte krejtësisht e ndryshme nga Gjermania dhe shumica e emigrantëve të parregullt vijnë në Itali nga deti.  Ai tha se marrëveshja Britani-Ruandë nuk është gjithashtu një model i përshtatshëm, pasi Gjermania duhet të përmbushë kërkesat e ligjit të BE-së gjatë përpunimit të kërkesave për azil.(Fatosi)