Të rinjtë amerikanë vizitojnë seksionin Mutianyu të Murit të Madh në Pekin, kryeqyteti i Kinës, më 12 qershor 2024. foto nga CFP
Presidenti kinez Xi Jinping dërgoi të hënën një letër urimi për "Të lidhur me Kuliang-un: Festivali i Rinisë Kinë-ShBA 2024", që zhvillohet në Fuzhou të provincës Fujian në Kinën Lindore.
Duke vënë në dukje se lidhja shekullore me Kuliang-un është një histori e shkëmbimeve miqësore midis popullit kinez dhe popullit amerikan, Xi tha se sheh me kënaqësi që të rinjtë nga të gjitha fushat e jetës në Kinë dhe Shtetet e Bashkuara janë mbledhur në Fuzhou për të ringjallur historinë e Kuliang-ut, për të trashëguar dashurinë e Kuliang-ut dhe për të ndihmuar në shtimin e shkëmbimeve dhe të njohjes ndërmjet të dy popujve.
Të rinjtë amerikanë vizitojnë Pallatin e Dimrit në Pekin, kryeqyteti i Kinës, më 12 qershor 2024. foto nga CFP
Ai shprehu shpresën se të rinjtë kinezë dhe amerikanë do të kenë shkëmbime të thella, do të forcojnë miqësinë, do ta njohin më mirë njëri-tjetrin dhe do të punojnë së bashku për të vijuar miqësinë kino-amerikane, do të kontribuojnë në forcimin e shëndetshëm dhe të qëndrueshëm të marrëdhënieve kino-amerikane dhe do të punojnë me njerëzit anembanë botës për të sjellë paqen, për të nxitur përparimin dhe për të krijuar begatinë.
"Të lidhur me Kuliang-un: Festivali i Rinisë Kinë-ShBA 2024", që u hap të hënën, është bashkorganizuar nga Shoqata e Popullit Kinez për Miqësinë me Vendet e Tjera, Qeveria Popullore Provinciale e Fujian-it dhe Federata Rinore Mbarëkineze. (Artan)