foto: VCG
Ministria e Strehimit dhe Zhvillimit Urban-Rural në Kinë u kërkoi qeverive lokale të blejnë banesa komerciale të kompletuara për strehim të përballueshëm në qytete në nivel qarku dhe më lart, si pjesë e përpjekjeve të vendit për të reduktuar stokun e këtyre shtëpive, shkruan “Xinhua”.
Ministria bëri të ditur në një telekonferencë se qeveritë vendore duhet të vlerësojnë me saktësi kërkesën për banesa të përballueshme në zonë dhe të vlerësojnë inventarin e banesave komerciale të përfunduara.
foto: VCG
“Është e nevojshme të sigurohet që këto shtëpi të kenë madhësinë e duhur, me çmime të arsyeshme dhe të vendosura në zonat e duhura”,- bëri të ditur ministria, e cila theksoi nevojën për të përdorur në mënyrë efektive politikat e mbështetjes financiare për të garantuar qëndrueshmërinë e këtyre projekteve dhe për të përshpejtuar zbatimin e projekteve të blerjes që janë gati.
foto: VCG
Muajin e kaluar, Banka Qendrore e Kinës u zotua të krijojë një strukturë huadhënieje që mbështet ndërmarrjet lokale shtetërore, për t'i përdorur ato fonde për të blerë shtëpi komerciale për strehim të përballueshëm.