Duke filluar nga fundi i këtij muaji, vizitorëve të huaj që përfitojnë nga politika e tranzitit 144-orësh pa viza në Kinë do t'u ofrohet një tur ditor në qytet në Guangzhou, në provincën Guangdong, shkruan “Xinhua”.

Guangzhou(Foto:VCG)

Shërbimi i ri, i organizuar nga një agjenci udhëtimesh në Guangzhou, përfshin një tur me autobus, një guidë që flet anglisht, shëtitje dhe një drekë kantoneze.

Turi përfshin vizita në sheshin “Huacheng”, te Muzeu, Biblioteka e Guangzhou, Shtëpia e Operas dhe Kulla e Kantonit.

Vizitorët mund të regjistrohen për turet në një sportel të caktuar në Aeroportin Ndërkombëtar Guangzhou Baiyun.

Data e saktë e fillimit të shërbimit do të shpallet së shpejti.

Guangzhou(Foto:VCG)

Nisma synon të promovojë turizmin në Guangzhou.

Kina ka parë një rigjallërim të turizmit përbrenda këtë vit, me qeveritë qendrore dhe lokale që zbatojnë politika për të hequr barrierat kryesore për turistët e huaj, duke përfshirë ofrimin e hyrjes pa viza dhe opsione më të lehta pagese celulare. Më shumë linja ajrore ndërkombëtare dhe rajonale për në dhe nga aeroporti i Guangzhou janë planifikuar për më vonë këtë vit, duke përfshirë linjat midis Guangzhou dhe Aeroportit Gatwick të Londrës; Perth, Australi; Budapest, Hungari; dhe Beogradi, Serbi, sipas “China Southern Airlines”.

Po ashtu, do të rifillojnë Fluturimet midis Guangzhou dhe Adelaide në Australi, Phu Quoc Island në Vietnam dhe Surabaya në Indonezi.

Ofrimi i tureve njëditore falas për udhëtarët tranzit është një praktikë e zakonshme midis qyteteve të qendrave ajrore ndërkombëtare si Stambolli, Doha dhe Dubai, tha Zhao Wenzhi, kryetar dhe president i Shërbimit Ndërkombëtar të Udhëtimit GZL me bazë në Guangzhou.  (Irma)