foto nga CFP

Sektori i dërgesave ekspres në Kinë regjistroi rritje të shpejtë si në volum biznesi ashtu edhe në të ardhura në maj, në mes të një rikuperimi të qëndrueshëm të ekonomisë kineze dhe rritjes më të shpejtë të konsumit në veçanti, treguan të hënën të dhënat nga Zyra Shtetërore e Postës, citon “Xinhua”.

Sektori trajtoi gjithsej 14.78 miliardë pako muajin e kaluar, duke arritur një nivel të lartë historik për volumin mujor dhe duke u rritur me 23.8 për qind në baza vjetore.

Norma e rritjes u përshpejtua nga rritja prej 22.7 për qind e regjistruar në muajin prill.

Të dhënat e mëparshme treguan se kompanitë e dërgesave të vendit kishin trajtuar 50 miliardë pako deri më 29 prill, një moment historik i arritur 32 ditë më shpejt se në vitin 2023.

Të ardhurat e kombinuara të biznesit të kompanive të transportit ekspres në Kinë arritën në afro 116 miliardë juanë (rreth 16.3 miliardë dollarë amerikanë) muajin e kaluar, më të larta se të ardhurat e prillit, duke shënuar një rritje vjetore prej 15.6 për qind.

Në pesë muajt e parë të vitit, vëllimi i biznesit të sektorit arriti në 65.59 miliardë pako, duke u rritur me 24.4 për qind nga e njëjta periudhë e një viti më parë.

Sektori grumbulloi 537.11 miliardë juanë në të ardhura biznesi gjatë kësaj periudhe, 16.6 për qind më shumë në baza vjetore.

Në muajin maj, shitjet me pakicë të mallrave të konsumit u rritën me 3.7 për qind në baza vjetore, 1.4 pikë përqindje më e lartë krahasuar me muajin e kaluar. (Irma)