CFP

Prodhimi i energjisë i ndërmarrjeve kryesore të prodhimit të energjisë elektrike në Kinë u rrit me 2.3 për qind në baza vjetore në maj, treguan të hënën të dhënat zyrtare, njofton “Xinhua”.

Prodhimi total i energjisë i këtyre firmave arriti në 717.9 miliardë kilovat-orë muajin e kaluar, sipas Zyrës Kombëtare të Statistikave (NBS).

Prodhimi i energjisë diellore u rrit me 29.1 për qind në baza vjetore, ndërsa ai për energjinë hidrike u rrit me 38.6 për qind.

Prodhimi i energjisë termike dhe energjisë bërthamore u tkurr përkatësisht me 4.3 për qind dhe 2.4 për qind në baza vjetore, sipas Statistikave.  (Fatosi)