Pyje shqiptare (Foto Sotnews)
Në raportin e publikuar së fundi mbi ndryshimin e inventarit të pyjeve në 20 vite, Banka Botërore bëri të ditur se sipërfaqja pyjore e Shqipërisë është shtuar me 2.5% gjatë periudhës 2000-2020, shkruan “ATSH”.
Banka Botërore vuri re se dëmet më të mëdha me rënien e sipërfaqeve të pyjeve ishin në Afrikë dhe në vendet e Amerikës Jugore, ndërsa në shumicën e shteteve në Europë dhe Azi sipërfaqja e pyjeve u rrit.
Sipas BB-së, pyjet kërcënohen nga shpyllëzimi dhe degradimi. Banka referon se pyjet e degraduara janë dëmtuar nga aktivitetet njerëzore si prerja e pyjeve ose ngjarjet klimaterike dhe mjedisore si zjarret etj.
Në vitin 2021, më shumë se një e katërta e humbjes globale të pyjeve ishte për shkak të zjarreve.
Zjarret e egra ndodhin kryesisht në pyjet e buta në Amerikën e Veriut, Europë, Rusi dhe Australi. (Fatosi)