Foto nga CFP
Partitë politike të krahut të majtë të Francës janë bashkuar për të formuar një front të ri popullor, për t’u përballur me të djathtën ekstreme në zgjedhjet e parakohshme parlamentare në fund të këtij muaji, shkruan “RTSH”.
Presidenti Emmanuel Macron thirri votimin me dy raunde, pasi Tubimi Kombëtar kundër Emigracionit (RN) i Marine Le Pen dhe Jordan Bardella arriti fitore të madhe në zgjedhjet europiane të dielën e kaluar.
Sipas sondazheve të fundit, RN pritet të marrë 32% të votave në raundin e parë të zgjedhjeve më 30 qershor dhe aleancën e krahut të majtë me 25%, duke e çuar partinë “Renew” të Macron në vendin e tretë me 19% të votave.
Kjo e ka shtyrë secilën palë të pretendojë se do të formojë një bllok për të parandaluar që të tjerët të fitojnë pushtetin në Asamblenë Kombëtare.
Gati dy javë nga zgjedhjet, tre grupet kryesore kanë nisur sulme të drejtpërdrejta ndaj rivalëve të tyre.
Peizazhi i fragmentuar politik i Francës dhe sistemi me dy raunde inkurajojnë aleancat, kjo është arsyeja pse socialistët kanë rënë dakord të bashkojnë forcat me të Gjelbrit, Komunistët dhe “France Unbowed”, partia e ekstremit të majtë të Jean-Luc Melenchon. (Irma)