Foto nga CFP
Shangai mirëpriti një sërë personash që ktheheshin nga një udhëtim jashtë shtetit me një fluturim special çarter, që i lejoi ata të udhëtonin në të njëjtën kabinë me kafshët e tyre.
Avioni transportonte 60 pasagjerë dhe 18 qen nga Bangkoku, Tajlandë, në Aeroportin Ndërkombëtar të Shangait Pudong.
Ai shënoi përfundimin e turit të parë grupor të Kinës për fluturime çarter në mënyrë që njerëzit të mund të fluturojnë së bashku me qentë e tyre, shkruan “Xinhua”.
Zyrtarët e Doganës në aeroport thanë se ata kishin thjeshtuar procedurat për mbërritjen e kafshëve shtëpiake, duke përfshirë lejimin e tyre për të kapërcyer periudhat e karantinës nëse kalonin kontrollet në vend.
Zyrtarët thanë se fluturimi do të hapte një shteg për fluturimet e ardhshme ndërkombëtare me çarter për personat me kafshë shtëpiake, me kërkesën në rritje për shërbime të tilla.
Muajin e kaluar, Aeroporti Ndërkombëtar Shenzhen Bao'an në provincën Guangdong të Kinës jugore hapi një sallë pritjeje ekskluzivisht për kafshët shtëpiake, duke u bërë salla e parë e aeroportit e këtij lloji në Kinë. (Irma)