Foto nga VCG

Ekspozita Botërore e Inteligjencës 2024, e planifikuar të mbahet në Tianjin nga 20 deri më 23 qershor, synon të grumbullojë burime të lidhura me inteligjencën artificiale në mbarë vendin dhe në mbarë botën, u bë e ditur në një konferencë shtypi.

Ekspozita do të bashkorganizohet nga komuna Tianjin e Kinës veriore dhe komuna Chongqing e Kinës jugperëndimore, duke kombinuar dy ngjarje të njohura më parë si Kongresi Botëror i Inteligjencës në Tianjin dhe “Expo Smart China” në Chongqing.

Ngjarja synon të krijojë një platformë globale për inovacionin akademik, ekspozitat, konkurset dhe promovimin e investimeve në fushën e teknologjisë inteligjente, shkruan “Xinhua”.

Ajo do të tërheqë ndërmarrjet kryesore, institucionet e njohura kërkimore dhe universitetet më të mira.

Me një sipërfaqe ekspozite prej 100.000 metrash katrorë, ngjarja do të përfshijë 10 zona ekspozimi tematike që mbulojnë fushat e inteligjencës artificiale, automjetet e lidhura inteligjente, prodhimin inteligjent dhe robotikën. Organizata dhe institucione të shumta ndërkombëtare pritet të marrin pjesë në ekspozitë, duke konkurruar në robotikë dhe sfida inteligjente të drejtimit.

Si Tianjin ashtu edhe Chongqing kanë shtuar përpjekjet për të rritur industritë e tyre të inteligjencës artificiale vitet e fundit. Të dy bashkitë do të alternohen për të pritur Ekspozitën Botërore të Inteligjencës në të ardhmen. (Irma)