Lulzim Basha (Foto Shqiptarja.com)
Kryetari i Partisë Demokratike, Lulzim Basha, uroi Partinë Popullore Europiane për fitoren në zgjedhjet për Parlamentin Europian.
Përmes një postimi në “X”, përcjellë nga “ATSH”, Basha deklaroi se fitorja e PPE-së është një garanci për vazhdimin e procesit integrues së Shqipërisë dhe rajonit në BE.
“Qytetarët europianë zgjodhën sërish PPE-në si forcën më të madhe qeverisëse në Europë. Një fitore e vlerave dhe ideve themeluese mbi të cilat u ndërtua Unioni. Këto vlera do të na udhëheqin të gjithëve për 5 vitet e ardhshme”, theksoi Basha.
Sipas tij, një PPE e fortë është një spirancë stabiliteti në kohë sfiduese për Europën dhe një garanci për vazhdimin e procesit integrues të Shqipërisë dhe rajonit.
“Urimet më të mira miqve dhe kolegëve tanë të PPE-së dhe presidentit Weber për rezultatin e shkëlqyer”,- deklaroi Basha. (Fatosi)