Foto nga VCG

Pekini miratoi rregulloren e parë speciale mbi investimet e huaja, duke përfaqësuar përpjekjen më të fundit të kryeqytetit kinez për të promovuar hapjen e mëtejshme dhe për të rritur apelin e tij për investitorët globalë, shkruan “Xinhua”.

Rregullorja, e miratuar të premten në seancën e 10-të të Komitetit të Përhershëm të Asamblesë së 16-të Popullore Komunal të Pekinit, pritet të hyjë në fuqi më 1 korrik.

Pikat kryesore të kësaj rregulloreje përfshijnë përpjekjet për të promovuar një rrjedhë të sigurt dhe të rregullt ndërkufitare të të dhënave.

Foto nga VCG

Qeveritë e bashkive të Pekinit në të gjitha nivelet janë të detyruara të respektojnë premtimet e bëra në fushat e investimeve të huaja dhe rregullorja përshkruan pasojat për shkeljen e këtyre angazhimeve.

Rregullorja përfshin një kapitull të dedikuar për shërbimet e investimeve të huaja, duke detajuar një sërë masash, të tilla si njohja e kualifikimeve profesionale jashtë shtetit, vlerësimet e pavarura të nivelit të aftësive profesionale dhe konsultimet e rregullta ndërmjet qeverive vendore dhe sipërmarrjeve të huaja.

Të dhënat zyrtare tregojnë se investimet e huaja direkte të shfrytëzuara të Pekinit kishin arritur në 79.6 miliardë dollarë amerikanë në periudhën 2016-2020, duke përbërë mbi 11.8 për qind të totalit të vendit.

Foto nga VCG

1729 ndërmarrje të financuara nga jashtë u krijuan rishtazi vitin e kaluar në Pekin, një rritje prej 22.8 për qind krahasuar me vitin 2022.

Numri i selive rajonale të korporatave shumëkombëshe në kryeqytetin kinez kishte arritur në 244 deri në fund të marsit 2024. (Irma)