Foto nga Panorama.al
Ukraina po planifikon të shkarkojë disa nga gjeneralët e saj ushtarak dhe t’i dërgojë ata në vijën e frontit, në një përpjekje për të rritur moralin e ushtarëve, shkruan panorama.al. Ky hap thuhet se ka për qëllim edhe t’i kundërpërgjigjet sulmeve ruse në rajonin e Donetskut dhe së fundmi Kharkivit.
“Me personelin e liruar, është planifikuar të plotësohen njësitë në nivelet operacionale dhe taktike, si dhe njësitë luftarake”, tha gjenerali Yevhen Ostryansky, kreu i planifikimit të mbrojtjes ushtarake të Ukrainës.
Që nga pushtimi i plotë rus në shkurt të vitit 2022, Ukraina ka kërkuar të modernizojë ushtrinë e saj në përputhje me vendet e NATO-s. Gjithashtu, zhvendosja e gjeneralëve në njësitë luftarake të vijës së parë thuhet se do t’i lejojë ushtarët e lodhur të pushojnë.