Foto nga VCG

Ministria britanike e Mbrojtjes bëri të ditur se Ukraina eksportoi më shumë drithëra dhe fara vajore në muajin prill se në çdo muaj që nga nisja e konfliktit me Rusinë në shkurt 2022.

“Eksportet prej 6.6 milionë tonë demonstrojnë aftësinë e Ukrainës për të eksportuar përmes korridoreve të saj të detit të Detit të Zi”,- bëri të ditur ministria britanike në një postim në “X”, cituar nga “RTSH”.

Trafiku në portet e Detit të Zi ukrainas ka qenë gjithashtu më i lartë se gjatë kohës së Marrëveshjes së Grurit.

Korridori detar i Ukrainës ka lejuar deri tani kalimin tranzit të 1600 anijeve dhe eksportin e 45 milionë tonëve mallra.

Pjesa më e madhe e kësaj, rreth 30 milionë tonë, përbëhet nga produkte bujqësore.

Eksportet e grurit të Ukrainës vlerësohen të përbëjnë 9.7% të eksporteve globale të grurit midis korrikut 2023 dhe qershorit 2024.

Shumica eksportohen përmes porteve të Detit të Zi, por rreth 15% transportohen nëpërmjet lumit Danub, ku hekurudhat përbëjnë 6% dhe rrugët më pak se 1%. (Irma)