Kryeministri slloven (Foto/Rtsh)

Qeveria sllovene nisi procedurën për njohjen e shtetit palestinez si një mënyrë për t'i dhënë fund luftës midis Izraelit dhe grupit terrorist Hamas në Gaza, bën të ditur “RTSH”.

Kryeministri slloven Robert Golob e pati njoftuar një hap të tillë që në muajin mars. 

“Tmerret që shohim çdo ditë në Gazë janë të papranueshme dhe duhet të ndalen. I bëj thirrje Izraelit që t'i japë fund sulmeve të tij në Gaza dhe të përdorë tryezën e bisedimeve”, citohet të ketë thënë Golob. 

foto nga VCG

Kryeministri slloven tha se do të dëshironte që njohja e vendit të tij të ishte një nxitje që këto negociata të vazhdojnë më shpejt dhe të përshpejtonte dialogun për një armëpushim të menjëhershëm, lirimin e pengjeve dhe sigurinë dhe ekzistencën e Izraelit përmes një zgjidhje me dy shtete.

foto nga VCG

Njoftimi erdhi pasi Irlanda, Spanja dhe një numër vendesh të tjera anëtare të Bashkimit Europian thuhet se po konsiderojnë njohjen e një shteti palestinez më 21 maj, sipas një raportimi nga transmetuesi kombëtar i Irlandës.

“Koalicioni qeverisës ra dakord unanimisht për këtë vendim”,- tha Golob, duke shprehur besimin se njohja do të frymëzonte vendet e tjera për të ndjekur hapat e Sllovenisë. (Irma)